İnnovativ və yaşıl iqtisadiyyat şəraitində investisiya fəaliyyətinin beynəlxalq təcrübəsi və inkişaf istiqamətləri

Xülasə

Məqalədə dünya təcrübəsində sənayenin innovativ inkişaf istiqamətləri və investisiya fəaliyyəti geniş şəkildə təhlil olunmuşdur. Tədqiqat zamanı yaşıl iqtisadiyyat şəraitində enerji tarnsformasiyası, karbon emissiyasının azaldılması və sənayedə texnoloji modernləşməyə kapital qoyuluşlarının artırılması yolları araşdırılmışdır. Araşdırma zamanı Arvopa İttifaqının, Çinin və ABŞ-ın innovasiyayönümlü maliyyə alətləri və onlara yatırılan investisiyaların müqayisəli xarakteristikası verilmişdir. Həmçinin dayanılı inkişafa təsir edən uzunmüddətli mexanizmlərin tətbiqi zamanı sənayenin daha rəqabətli olması müəyyən edilmiş və gələcək perspektiv üçün startegiyalar müəyyənləşmişdir. Aparılan emprik təhlillərin nəticələri müqayisəli şəkildə sistemləşdirilərək struktur nəticələri ümumiləşdirilmişdir.