Azərbaycan Respublikası neft maşınqayırma sənayesinin idarəetmə sisteminin təkmilləşdirilməsi və inkişaf istiqamətləri

Xülasə

Neft maşınqayırma sənayesi Azərbaycan iqtisadiyyatının strateji əhəmiyyətli sahələrindən biridir. Bu sahə neft-qaz sənayesinin texniki təminatında, yeni texnologiyaların tətbiqində və sənayenin rəqabət qabiliyyətinin artırılmasında mühüm rol oynayır. Müasir dövrdə qlobal iqtisadi dəyişikliklər, rəqəmsallaşma prosesləri və innovativ texnologiyaların sürətli inkişafı neft maşınqayırma müəssisələrinin idarəetmə sistemlərinin təkmilləşdirilməsini zəruri edir. Məqalədə Azərbaycan neft maşınqayırma sənayesinin mövcud vəziyyəti təhlil edilir, idarəetmə sistemində mövcud problemlər araşdırılır və inkişaf istiqamətləri müəyyənləşdirilir.