İşğaldan azad edilmiş ərazilərdə mineral-xammal resurslarından istifadənin iqtisadi qiymətləndirilməsi

Xülasə

Məqalədə Azərbaycanın işğaldan azad edilmiş ərazilərində mineral-xammal resurslarından istifadənin iqtisadi qiymətləndirilməsi aparılır. Tədqiqatın əsas ideyası ondan ibarətdir ki, mineral ehtiyatların iqtisadi dəyəri yataqların fiziki həcmi və ya xammalın bazar qiyməti ilə yanaşı həm də onların bərpa-quruculuq prosesinə, regional sənayeləşməyə, məşğulluğa, investisiya cəlbediciliyinə, ekoloji təhlükəsizliyə və institusional idarəetməyə təsiri ilə müəyyən olunur. Təhlil nəticəsində müəyyən edilmişdir ki, tikinti materialları qısa və orta müddətdə bərpa işlərinin resurs təminatında, metal filizləri uzunmüddətli sənaye və ixrac potensialının formalaşmasında, mineral və termal sular isə turizm, sağlamlıq və yerli xidmət iqtisadiyyatının inkişafında mühüm rol oynaya bilər. Bununla yanaşı, iqtisadi dövriyyəyə daxil edilmə prosesi ekoloji zərərin bərpası, su və torpaq ehtiyatlarının qorunması, yerli emal zəncirlərinin qurulması və sosial faydanın regionda saxlanılması prinsipləri ilə uzlaşdırılmalıdır.