Marketinqdə istehlakçı davranışının iqtisadi-psixoloji aspektləri

Abstract

Xülasə

Məqalədə istehlakçı davranışının iqtisadi və psixoloji aspektləri birgə nəzərdən keçirilərək müasir marketinq elminin multidissiplinar strukturunu əks etdirən analitik çərçivə təqdim olunur. Tədqiqat göstərir ki, istehlakçı qərarları yalnız qiymət, gəlir və fayda kimi iqtisadi amillərlə deyil, həm də qavrayış, motivasiya, emosional reaksiya və sosial təsir kimi psixoloji determinantlarla formalaşır. Klassik rasional modellərin məhdudiyyətləri davranışsal iqtisadiyyat və psixoloji nəzəriyyələrin aktuallığını artırır. Bakı şəhərində aparılmış sorğu nəticələri istehlakçı seçimlərinin yaş, gəlir səviyyəsi və sosial statusdan asılı olaraq əhəmiyyətli fərqlilik göstərdiyini üzə çıxarır. Məqalə marketinq strategiyalarının effektivliyinin iqtisadi və psixoloji amillərin inteqrasiyasından asılı olduğunu vurğulayır və şirkətlər üçün praktiki tövsiyələr irəli sürür.